កាលពីព្រឹកថ្ងៃទី ២៧ ខែកញ្ញា ឆ្នាំ២០២៣ ដែលជាទិវាអបអរសាទរទេសចរណ៍ពិភពលោក ឆ្នាំ២០២៣  ក្រោមប្រធានបទ "ទេសចរណ៍ និង ការវិនិយោគបៃតង" ខេត្តសៀមរាប។ ដើម្បីផ្សារភ្ជាប់ជាមួយនិង កម្មវិធីខាងលើនេះ

ក្រុមប្រឹក្សាភិបាល ថ្នាក់ដឹកនាំ និងសមាជិកសមាជិការបស់ ចេ ស៊ី អាយ សៀមរាប  បានចូលរួមរៀបចំកម្មវិធីសម្អាតសម្រាមប្លាស្ទិក និងដាំដើមឈើដើម្បីកែលម្អ សហគមន៍មេជ្រៃ ក្នុងប្រធានបទ "Green and Clean Community" ដែលមានកិច្ចសហការយ៉ាងមុតមាំពីកំលាំងអាជ្ញាធរឃុំកែវពណ៍ និងអង្ការទំពាំងស្នងឬស្សី ព្រមទាំងព្រះសង្ឃ លោកយាយ លោកតា គណ:កម្មការវត្ត លោកគ្រូអ្នកគ្រូ សិស្សានុសិស្ស និងបងប្អូនប្រជាពលរដ្ធពីសហគមន៍មេជ្រៃទាំងមូល សរុបប្រមាណជាង ២០០ នាក់។

+ គោលបំណងនៃកម្មវិធីនេះគឺដើម្បី៖

- អបអរសាទរ ទិវាទេសចរណ៍ពិភពលោក ២០២៣

- ចូលរួមយុទ្ធនាការប្រមូលទុកដាក់សម្រាមប្លាស្ទិក

- ចុះផ្សព្វផ្សាយ និងណែនាំដល់ប្រជាពលរដ្ធតាមផ្ទះ អំពីការទុកដាក់សម្រាមប្លាស្ទិក

- លើកទឹកចិត្តឲ្យមានការកាត់បន្ថយប្លាស្ទិក និងប្រើប្រាស់ឡើងវិញ

- ការដាំកូនឈើ កែលម្អសួន(ក្នុងទីធ្លារវត្តមេជ្រៃ) ដើម្បីជួយលើកកម្ពស់ដល់សហគមន៍មេជ្រៃបន្ថែមទៀត

-ក្នុងនោះក៏បានចែកជូននូវសម្ភារៈសិក្សាមួយចំនួនដល់សិស្សានុសិស្សនៅសាលាបណ្តែតទឹកបឋមសិក្សាមេជ្រៃផងដែរ ដើម្បីជាការលើកទឹកចិត្តដល់ប្អូនៗឲ្យខិតខំបន្តការសិក្សារៀនសូត្រ។

  កម្មវិធីនេះពិតជាមិនអាចកើតឡើងបានទេ បើគ្មានការចូលរួមសហការយ៉ាងស្រស្រាក់ស្រស្រាំពីស្ថាប័ន និងអ្នកចូលរួមទាំងអស់គ្នាដូចដែលបានរៀបរាប់ពីខាងលើ។ ជាពិសេសជាងនេះទៀតនោះ យើងខ្ញុំសូមថ្លែងអំណរគុណយ៉ាងជ្រាលជ្រៅដល់ក្រុមប្រឹក្សាភិបាល ថ្នាក់ដឹកនាំ និងសមាជិកសមាជិការបស់ ចេ ស៊ី អាយ សៀមរាប ដែលមានសណ្ដានចិត្តជួយឧបត្ថម្ភទាំងកំលាំងកាយ សម្ភារៈនិងថវិការ ដើម្បីឲ្យកម្មវិធីនេះអាចប្រព្រឹត្តិទៅបាន ដែលមានរាយនាមដូចខាងក្រោម៖

១. លោក ប៉ាត បូរី (Stay The Nature): ឧបត្ថម្ភកូនឈើ ព្រមទាំងថវិការ

២. លោក វ៉ាន់ ដារ៉ូ ជាមួយគ្រួសារ ហើយនិងមិត្តភ័ក្តិ : ឧបត្ថម្ភ ជាសម្ភារៈសិក្សាដល់សិស្សានុសិស្ស

៣. លោក វ៉ាត់ សាវឿង (Morodok Outdoor) : ចូលរួមឧបត្ថម្ភជាថវិការ

៤. លោក សាញ់ ស្រស់ (innGenuis Technology): ចូលរួមឧបត្ថម្ភជាថវិការ

៥. លោក រៀម បូរ៉េត (Journey Cambodia) : ចូលរួមឧបត្ថម្ភជាថវិការ

      ជាចុងក្រោយយើងខ្ញុំសូមថ្លែងអំណរគុណដល់ក្រុមការងារស្ម័ត្រចិត្តដែលបានលះបង់ថវិការនិងពេលវេលាដ៏មានតម្លៃជួយឲ្យកម្មវិធីនេះអាចកើតមានឡើង ដែលមានដូចខាងក្រោម៖

១. លោក ឆាំ សំបូរ

២. លោក សុន ស៊ីហាក់

៣. លោក មួត សុភ័ត្រា

៤. លោក ងួន សុវណ្ណរតន:

៥. លោក មុន្នីរម្យ វរពង្ស

៦. កញ្ញា កន គិមជីន

៧. កញ្ញា ប៊ី ឌីណា

ព្រមទាំងការជួយជ្រុមជ្រែងលើកទឹកចិត្តពីថ្នាក់ដឹកនាំ និងសមាជិកសមាជិការបស់ ចេ ស៊ី អាយ សៀមរាបទាំងមូលដែលជាកំលាំងចិត្តដ៏រឹងមាំដល់ក្រុមការងារស្ម័ត្រចិត្តយើង។

យើងខ្ញុំសូមគោរពជូនពរដល់ថ្នាក់ដឹកនាំ សមាជិក សមាជិការ លោកលោកស្រី អុំពូមីង និងបងប្អូនទូទាំងសហគមន៍មេជ្រែទាំងអស់ សូមឲ្យជួបតែសុខសុវត្តិភាព មានសុខភាពល្អ និងជោគជ័យគ្រប់ភារៈកិច្ច។

សូមអរព្រះអគុណ! សូមអរគុណ!

#jciCambodia #jcisiemreap

#Green_and_Clean_Community

អត្ថបទ៖ JCI Siem Reap